कथा मुंबईची सुरू आता करतो
इथं माणूस भवऱ्यावाणी फिरतो
इथं दिसती उंच माड्या, लांब झिपऱ्या शेंड्या दाढ्या
इथं मोकळ्या जागेत गाढवावाणी
खुशाल लोळती कैक झोपड्या
कोण फिरतो देऊन इथे, कमरेला चिंध्यांच्या तिड्यावर तिड्या
कोण भीक मागतो इथं टेकीत काठी मारीत उड्यावर उड्या
आणि त्याच्या पुढून उंदरावाणी, कैक पळती रंगीत मोटारगाड्या
इथं बोळामधील बोळ, गल्लीमधील पोळ,
रस्त्या रस्त्यावरती खेळ करतो
