प्रश्नकर्ता: संघर्ष टाळण्याची, 'समभावे निकाल' करण्याची आपली
वृत्ति असेल तरीपण समोरील व्यक्ति आपल्याला त्रास देईल, अपमान करेल, तर आपण काय करायचे?
दादाश्री : काहीच नाही. तो आपला हिशोब आहे, आणि आपण
त्याचा 'समभावानी निकाल' करायचा आहे असेच नक्की करायचे. आपण
आपल्याच कायद्यात रहायचे आणि आपले पझल सॉल्व करीत रहायचे. प्रश्नकर्ता हे संघर्ष होतात ते 'व्यवस्थित शक्तिच्या आधाराने : असेल ना?
दादाश्री हो. संघर्ष आहे तो 'व्यवस्थित शक्ति'च्या आधाराने आहे, हे खरे, परंतु तसे केव्हा म्हणता येईल? संघर्ष होऊन गेल्यानंतर 'आपल्याला तर वादविवाद करायचा नाही' असा आपला निश्चय असावा. समोर खांब दिसला म्हणजे आपण समजतो कि पुढे खांब आहे, फिरुन जावे लागेल, आपटायचे तर नाहीच. पण तरीसुद्धा आपटलो गेलो तर आपण म्हणायचे 'व्यवस्थित आहे' पहिल्यापासूनच 'व्यवस्थित आहे' असे समजून पुढे चालू लागलो तर त्या 'व्यवस्थित'चा ज्ञानाच्या दुरुपयोग झाला असे म्हणावे लागेल.