प्रकरण २०
पिठीने दिलेल्या खास रुबाबदार 'मोगऱ्या' घोड्यावरून बैजूने गोवा हाय वे धरला. 'टग्-डग-टग्-डग्' घोड्याच्या टापांचा आवाज होत होता. थोड्याशा सरावान वैजूला भलत्याच वेगाने घोडा दामटता येऊ लागला.
• च्या मारी! पहिल्यांदा त्या रात्री माझी गाडी ठोकली त्यानं वर स्वतःच्या प्रतापाचे खापर माझ्यावर फोडल." वैजूला त्या काळ्याकुट्ट रात्रीची घटना जशीच्या तशी आठवण होती.
"पण भेंडी ! नेमकी त्या लाईट टॉवरखाली पुन्हा तोच कसा काय आला ? माझ्याच हातून पकडून द्यायचं नशीबात आहे साल्याच्या"
इतक्या उंचावरून धावत्या ट्रकवर घेतलेली साहसी उडी आठवून तिच तिलाच आश्चर्य वाटल. विचार करता करता घोड्याचा लगाम तिच्याहातून जरासा सैलावला होता. तसा घोड्याचा वेग मात्र भलताच वाढला.
"झाल ते बरंच झालं. त्याच्याच ट्रकवर उडी पडल्याने त्या साल्याला पोलीसांनी चांगलाच खेचला असणार घाबरला भैचोद! पण डोकेबाज आहे गडी बरोब्बर कुळवाड्यातूनच फोन लावला त्यानं म्हणजे एकतर तो मला शोधत माझ्या मागावर शिरला होता कुळवाड्यात नाहीतर पोलीसाचा पिच्छा सोडवण्यासाठी केला फोन त्यान, असच म्हणायच" वैजू मनातल्या मनात तावातावाने विचार करीत होती.
रस्त्यावरचे सगळे लोक मात्र इतक्या वेगाने घोड्यावरून जाणाऱ्या या साहसी मुलीलाच आवाक् होऊन पहात बसले होते. लोकाच्या
आश्चर्यमिश्रित नजरा वैजूलाही अताशा जाणवू लागल्या होत्या. पण शेवटी वैजूच ती! त्यांच्याकडे लक्ष द्यायला वेळ होताच कुठे तिच्याकडे ?
घोड्याच्या लगामावर आपल्या दमदार मुलीने ताबा ठेवत तिची नजर मात्र रस्त्यावरील प्रत्येक ट्रकच्या नंबर प्लेटवरच होती 'GA 04-EX 8046.
"चांगले आठवतंय मला, त्या रात्रीच्या अपघातात काही नीट दिसल नव्हत पण तो जबरदस्त हेडलाईट ? हो, हो ट्रकच होता तो. कारण सकाळी आपण उडी मारल्यानंतर पुन्हा ट्रकवरून शेतात शिरताना त्याला नीट पाहिल्याच आठवतंय मला येस हाच नंबर होता तो फक्त मराठीत लिहिलेत सगळे आकडे GA ०४ EX ८०४६ आणि नाम्यानंही हाच नंबर सांगितला आणि त्या साल्या खोटारड्या ट्रक ड्रायव्हरनेही नाम्याकडे जायची महागडी चूक केलीये. यावरूनच सगळ सरळ सरळ सिद्ध होतय, की रात्रीचा अपघाती खून मुळी त्यानेच केलाय आणि सकाळी माझ्या उडीमुळे चुकून पोलीस तपासणीत अडकला. खूप घाबरला असणार. स्वतःवरचा आरोप सहजासहजी माझ्यावर ढकलता येतोय म्हटल्यावर साल्यान लगेच खोटी साक्ष दिली. च्यायला! भेंडी ! भेट फक्त तू एकदा अश्श्शी गठडी वळते ना तुझी की जन्मभर लक्षात राहील. "
"ही, हो, कल रात को पहुथुंगा में कलिगूटपर माल साथमे ही होगा!" ट्रकमध्ये उडी मारल्या मारल्या ऐकलेल ते वाक्य आठवल वैजूला. पण टॉवरवरून उडी मारल्याने पोलीसांचा पाठलाग चुकवायच्या नादात तिला तिथून काढता पाय घ्यावा लागला होता. आता मात्र अजून उशीर व्हायच्या आतच वैजूला त्याला गाठायचं होतं. ती खूपच जोरात घोडा दामटू लागली टग्-डग्-टग्-डग्-टग्-डग्-टग्-डग्.......