प्रकरण २१
फैजलपूर पोलीस स्टेशनमध्ये देखील आता मोठी रंगत येणार होती. इन्स्पेक्टर चारुशीला मोऱ्यांनी कलिंगूट पार्टी डीटेल्स ऐकून मयूकडे धाव घेतली. जवळपास झडपच घातली तिच्यावर मयू मात्र आत्त्यापासून वैजूला वाचविण्याचा विचार करीत बसली होती. कोणत्याही परिस्थितीत वैजूच्या हाती आलेला खरा खूनी ट्रकड्रायव्हर आपल्या आत्याच्या आततायीपणामुळे निसटून जाता कामा नये. एवढा एकच विचार तिच्या डोक्यात रेंगाळत होता. • आणि तेवढ्यात एक जोरदार दडका तिच्या पाठीत बसला. इन्स्पेक्टर मोऱ्यांच्या या हल्ल्याने बिचारी कण्हतच भानावर आली.
"तरी मला वाटलंच होतं, काय बेक्क्कारच आहेत पण इतक्याही पोचलेल्या असतील असे वाटले नव्हते "
काही न बोलता मयू मुळूमुळू रडू लागली तिला वाटल, पटकन् एकदाच खर काय ते सांगून टाकाव पोलीसांना आणि कशीही करून वैजूला
मदत करावी. पण, पण क्षणभरच! कारण कोण विश्वास ठेवणार त्या दोघींवर ?
"काय ग ए. खोटारडे म्हणे पैसे आणायला चाललोय आम्ही गोव्याला मित्राला गाडी परत करायचीये की मित्रासोबत नाचायला चालला होता ग. गोव्याला ?" इन्स्पेक्टर चाररूशीला मोरे मयूचा कान पिरगाळून जाब विचारत होत्या.
"काय बोलताय तुम्ही हे ? मी आत्तापर्यंत जे जे सांगितलय ते ते सगळे खरे होत. तुम्ही आत्ता काय आरोप करताय ते मात्र मला नाही
समजत." मयूने सवयीने अगदी नाकासमोर सरळ वागण्याचा प्रयत्न चालवला.
"कसे समजतील ? तुझा मोबाईल तर आत्ता माझ्याकडे आहे ना ? घे, वाच तुझ्या मित्राचा मेसेज." इन्स्पेक्टर चारुशीला मोरेनी तिच्यासमोर मेसेज धरला. तिनेही तो वाचला. सौरभचा होता तो मेसेज आज रात्रीच्या कलिंगुट बीचवरच्या पार्टीचं इन्व्हिटेशन होतं ते.
"माहितीये ना ती रेव्ह पार्टी आहे." इन्स्पेक्टर मोऱ्यांनी मयूला आतापर्यंतचा सगळ्यात अवघड धक्का दिला
[क्काय? मला शॉकच बसला. पायाखालची जमीनच सरकली. काहीच सुचेना बिचारीला सकट कधीच एकएकटी येत नाहीत हे पटलंच तिला पण आता हे वादळ आपल्याला मुळासकट हादरवून तर नाही ना सोडणार ? याचीच जास्त भीती वाटू लागली.
"गेली तुझी सख्खी मैत्रीण तुला सोडून पार्टीला देखील पोहोचली असेल बघ. पण तू मात्र पड हे इथेच तुरुंगात खितपत ती कुठे गेली आहे. कशाला गेली आहे ? हे तुला माहीतही आहे! पण नाही, तुला ते आम्हाला सांगायचंच नाहीये येतेऽऽ, तुझी आत्त्या इथे सतरावेळा येते... केविलवाणी होऊन रडते आमच्यासमोर कुणासाठी ? तर तुझ्यासाठी! आणि तु.. अशी नालायक त्या स्वार्थी मैत्रीणीपायी वाईट वाईट धंद्यांना लाग है."
इन्स्पेक्टर चारुशीला मोरेच बोलण मयूला ऐकवेना. एरवी वैजूविषयी जर कुणी इतकं वाईट बोलल असतं ना, तर त्याची काहीच खैर नव्हती. पण इथे मयूच काही चालेना तिला पक्कं ठाऊक होत, की वैजू कधीच स्वार्थी नाहीये. मान्य, की ती बिनधास्त आहे पण वाईटाची तिला तितकीच चीडही आहे ? पण आता हे सांगणार कोणाला अन् ऐकणार कोण ? मयू विचारात पडली.
"मला वाटतय, सौयालाच माहित नसेल की ही रेव्ह पार्टी आहे ते. बिच्चाऱ्याला गंडवल असेल कुणीतरी " मनाशी विचार करता करताच तिच्या डोक्यात एक क्लृप्ती डोकावून गेली.
"अस केल तर
"मनात काहीतरी ठरवून अचानक मयू नाटकी रहू लागली.
" आता रडून काय फायदा ?" इन्स्पेक्टर मोरे कडाडल्या.
"मला जर आधीच माहीत असत, की वैजू अशी आहे तर मी आले असते का तिच्याबरोबर ? तरीच मला संशय आलाच होता तिचा, की ती
मला फसवून घेऊन चाललीये कुठेतरी ते."
"म्हणजे?" आता इन्सपेक्टर मोरे चक्रावल्या.
"आम्ही खूपदा येतो गोव्याला. पण ती नेहमीच विचित्र लोकांना भेटते. ती माणस खूप संशयास्पद वाटतात. काहीशी तिच वैरही आहे. पण ती का भेटते ? काय बोलते ? ते कधीच कळू देत नाही मला. यावेळी मला आणि सौऱ्याला फसवायच ठरवलेलं दिसतंय तिने. ते इन्व्हिटेशनही तिनेच दिलं असणार त्याला खूप लब्बाड आहे ती " वैजूवर खोटे खोटे आरोप करीत मयू आणखीनच हुंदके देऊ लागली.
"मग सांगशील का मला, वैजू कुठे आहे ते ?" आपला हेतू साध्य होत आलाय अस वाटून इन्सपेक्टर मोऱ्यांनी विचारल.
"हो, सांगेन की. पण मॅडम, तुम्ही सोडवाल ना मला यातून ? उगीचच गयावया करून मयू म्हणाली.
"हो. नक्की. पण आधी वैजूचा पत्ता दे वर."
"असे नक्की नाही सांगता येणार इथे बसून कारण मला तिच्या गोव्यातल्या सगळ्या जागा माहीत आहेत. कलिंगूट तर तिच मोक्याच ठिकाण तिथली हॉटेल्स, पाय, माणस सगळे सगळ अगदी जवळून ओळखते मी तिनंच सांगितलंय मला, की ती आज कलिगूटलाच जाणार होती म्हणून आजची पार्टी तिच्यासाठी खूप महत्त्वाची होती म्हणे जर तुम्ही मला सोबत घ्याल तर मी हण्ड्रेड पसेंट तिला पकडून देईन पण प्लीऽऽज मला सोबत घ्या ना. "
"मॅम, तसही तिच्याकडे पार्टी इन्व्हिटेशन आहे. त्यावरून आपल्यालाही एन्ट्री मिळवणं सोप्प जाईल. सापडली तिथे वैजू तर ठिकच आहे. नाहीतर रेड टाकायचं काम निम्म्यानं सोप्प होईल." - चित्रा म्हणाली.
मोजक्या महिला पोलिसांसह इन्सपेक्टर मोरे मयूला घेऊन कलिंगुट बीच गाठायला सज्ज झाल्या. हा ताफा वेगाने गोव्याकडे सरकू लागला. मयू मात्र स्वतःच्या हुशारीवर जाम खूश झाली.