प्रकरण २३
आत्ताशी कुठे पोलीसांची जीप गोवा हायवे ला लागली. पण अं हं! जीपवर 'महाराष्ट्र पोलीस' हा बोर्ड नव्हताच मुळी निघण्यापूर्वीच इन्सपेक्टर चारुशीला मोरनी तो काढून ठेवला होता. आणखी एक गोष्ट डोळ्यांना चांगलीच खटकली बघा. चक्क सगळ्या महिला पोलीस आज खाकी वर्दीतून बाहेर निघाल्या होत्या. रंगीबेरंगी फॅन्सी ड्रेसेसमध्ये नटून-थटून त्यांची जंगी यात्रा निघाली होती गोव्याकडे आज रात्री होणाऱ्या कलिंगूट रेव्ह पार्टीवर रेड टाकण्यासाठीच तर एवढा प्लॅन केला होता.
इन्सपेक्टर चारुशीला मोरे एकसारख्या फोनवरच चिकटल्या होत्या. एकदम्म फास्ट ड्रायव्हिंगसाठी त्यांनी चित्राला स्टेअरिंगवर बसवल होतं पण तिच्यामागे त्याचं समाधान काही होईना. त्याचाच फायदा घेऊन, अगदी गोड-गोड बोलून मयूने एकदाची ड्रायव्हरची सीट बळकावलीच लोssग ड्राईव्हच तिला प्रचंड वेड ती झिंगच भारी मग अशी संधी मिळताच ती सोडेल कशी शेवटी मयूच ती.. सगळ्यांचा विश्वास जिंकत तिने सुसाट गाडी सोडली... एकदम्म बिनधास्त !
इन्सपेक्टर मोरे मात्र खूप टेन्शनमध्ये होत्या. एकेक महत्त्वाचा फोन उरकत होत्या. वरिष्ठांची मर्जी राखणंही त्यांच्यासाठी तितकंच महत्त्वाच होत.
"हो सर, बातमी पक्की आहे. इन्सपेक्टर चारुशीला मोरे.
- पलीकडील व्यक्ती.
"ते नाही माहीत सर. पण रेह टाकायला सोप्प जाईल. तस खाजगी कोड इन्व्हिटेशनही हाती लागलंय सर. "
"हो, हो, तेवढी मदत मिळाली तर खूप बरं होईल."
“थैंक्यू सर, मग काम फत्तेच समजा तुम्ही " या फोननंतर आताशी कुठे इन्सपेक्टर मोऱ्याच्या जीवात जीव आला. मयूला ओव्हरटेक करताना पाहून चित्रा जाम खूश झाली तिच्याशी गप्पा मारत मारत चौकशा करू लागली.
"सौऱ्या कसा आहे तुमचा?"
"एकदम इब्लिस !"
"म्हणजे?"
"म्हणजे एकदम्म चेपू" हसून हसून मयूला जरा बरं वाटू लागल.
"अग, काहीतरी समजेल अस सांग ना." चित्रा गोंधळली होती.
“चित्रे, तुला कशाला हव्यात गं नसत्या चौभारचौकशा ?” इन्स्पेक्टर मोऱ्यांनी तिला फटकारल्याने विचारी खट्ट झाली...
मयू मात्र एकटीच हसत राहिली. बऱ्याच दिवसांनी तिला जरा मोकळ मोकळ वाटत होत पण तरीही वैजूची तिला प्रकर्षाने आठवण येत होती. गोव्याला पोहोचल्यावर सगळं व्यवस्थित होऊ दे. म्हणजे झालं. एवढी एकच प्रार्थना ती करू शकत होती.