"श्शी! या कार्टीन खरंचच मोबाईलमधल कार्ड फेकून दिलेल दिसतय तशी महाईविस आहे ती आता हिला कशी शोधू मी? गोवा हायवे म्हणजे काय तिला तिच्या साताऱ्यातली लंबुळकी गल्ली वाटली की काय ?" वैजूच्या नावाने आत्त्या खडे फोडत होती. "मॅडम, जरा थांबा. धीर धरा शोधू आपण तिला " गाडी चालवणाऱ्या साठेबाई मयूच्या आत्त्याला धीर देत होत्या.
"कसं शोधणार आपण तिला ? ती काय रस्त्याच्या कडेला खुर्ची टाकून आपली वाट बघत बसली असेल ?"
"तसं नाही हो. ......." अचानक गाडीचा वेग कमी करून त्यांनी रस्त्यावरच्या एका केळीवाल्याला विचारलं,
"दादा, तुम्ही इथून एखाद्या मुलीला जाताना पाहिले का ?"
"मुली तर कितीतरी जाता येतात रस्त्यावरून मी थोडीच कोणती एक लक्षात ठेवू ?" "ट्रकचा पाठलाग करणारी मुलगी विचारा" आत्त्याने पुस्ती जोडली.
“ह, दादा ट्रकच्या मागे लागलेली मुलगी पाहिली का ?" असा प्रश्न विचारावा तरी कसा असं वाटूनही गोंधळलेल्या साठेबाईंनी विचारलच शेवटी.
"ट्रक पकडाया धावणारी....." केळीवाला विचारात पडला.
"नाही ब्बा!" त्याला काही आठवेचना
त्याच्या उत्तराने साठेबाई जराशा नाराज झाल्या आणि पुन्हा गियर टाकून गाडी सुरू करणार तोच तो केळीवाला आश्चयनि म्हणाला,
"ती पोरगी तो ट्रक पकडायला बघत होती होय, मला तर वाटलं, की तीच त्या ट्रकला दम भरून हाकलून लावत होती. पळतच होता तो ट्रक वाघ माग लागल्यावानी"
"ट्रक ? मुलगी ?" साठेबाई आणि मयूच्या आत्त्याच्याही भुवया उंचावल्या.
"हां, एक पोरगी घोड्यावरनं गेली इथून वाटलं, त्या ट्रकलाच हाकलत होती." "गोरी-गोरी मुलगी होती का? पण घोडा कुठून आला तिच्याकडे ?" साठेबाई चक्रावल्या.
"हां, हां घोडाच होता तिच्यासंग कुरळ्या केसाची शहरी पोरगी होती ती. पँट-शर्टात होती अन् सफेद घोड़ा नई तेजीत हाकत होती. आता
अर्धा घंटा होत आला असन् तिला इथून जाऊन " केळीवाल्याने सगळं घडाघड सांगितलं...
"शंभर टक्के ती वैजूच असणार. साठेबाई, एकदम स्पीडमध्ये गाडी घ्या." मयूच्या आत्याला खात्रीच पटली.
"पण मॅडम, वैजूकडे घोडा ?" साठेबाई अजूनही गोंधळलेल्याच
"अहो, ती पोरगीच एकदम्म भन्नाट आहे. एकदा ठरवलं ना तिने की मग तेच ब्रम्हवाक्य कम्माल आहे काींची!" नाही म्हटलं तरी आत्त्या वैजूला पुरती ओळखून होती.
"बघा ना, काय पण बाई हे धाडस !" साठेबाईचा तर अजूनही विश्वास बसत नव्हता.
"ट्रकचा पाठलाग ती करणार कशी? हा प्रश्न तर मलाही पडला होताच पण ती एवढं अफलातून काहीतरी करेल, अस नव्हत वाटल. एवडा अचाट पराक्रम! ओह, माय गॉड, एवढं फक्त तीच करू शकते, घोडं दामटणारी शहरी मुलगी ट्रकला सळो की पळो करून सोडते.. नक्की ती वैजूच असणार!" आत्त्या
"मॅडम, इथून दोन फाटे फुटतायत. एक संकेश्वरमार्गे थेट आंबोलीतून गोव्याकडे आणि हा स्ट्रेट हायवे हायवे नेच जाऊयात नं ? साठेबाईचा आत्त्याला सवाल
"एक मिनिट है, जरा विचाख्यात" आत्त्याने एका वाटसरूला विचारलं,
"इथून घोड्यावरून जाणारी मुलगी पहिलीत का हो ?
"नाही."
..........."दोन-तीन जणांकडे चौकशी केली.
"............'
"हां, पायली की संकेशराला गेली बगा एकानं सांगितलं.
तशी आत्त्याची गाडी संकेश्वर मार्गे निघाली.