इस्रोने अंतराळातून या मंदिराचे छायाचित्र काढले आहे. सॅटेलाईट कॅमेऱ्याच्या माध्यमातून मंदिर कसे दिसते हे या छायाचित्रांमधून दिसून येते.
अयोध्येतील राम मंदिराचा अभिषेक सोहळा आता काही तासांवर येऊन ठेपला आहे. दरम्यान, भारताची अंतराळ संशोधन संस्था इस्रोने अंतराळातून या मंदिराचे छायाचित्र काढले आहे. सॅटेलाईट कॅमेऱ्याच्या माध्यमातून मंदिर कसे दिसते हे या छायाचित्रांमधून दिसून येते.
रिपोर्ट्सनुसार, हा फोटो डिसेंबर महिन्यातील आहे. धुक्यामुळे चित्र काहीसे अस्पष्ट असल्याचे इस्रोने म्हटले आहे. या फोटोमध्ये सरयू नदी, दशरथ महाल, अयोध्येत नवनिर्मित रेल्वे स्थानक अशी ठिकाणे दिसत आहेत. (इस्रो राम मंदिर फोटो)
गुगल सॅटेलाइट व्ह्यू
दरम्यान, अयोध्येतील श्रीराम मंदिर गुगल अर्थवर सॅटेलाईट व्ह्यूमध्येही पाहता येणार आहे. अर्थात हा फोटो जुना असल्याने त्यात बांधकामासाठी वापरण्यात येणारी क्रेनही दाखवण्यात आली आहे. या छायाचित्रांवरून मंदिर परिसर किती मोठा आहे याची कल्पना येते. वरच्या कोनातून मंदिर कसे दिसते हेही यात दाखवण्यात आले आहे.