देशातील कोट्यवधी लोकांच्या घरांवर सोलर पॅनेल बसवले जाणार आहेत
प्रधानमंत्री सूर्योदय योजना म्हणजे काय?
अयोध्येतील राम मंदिराच्या अभिषेक सोहळ्यानंतर पंतप्रधान नरेंद्र मोदी यांनी देशाला संबोधित केले. यामध्ये त्यांनी देशातील लाखो घरांना सौरऊर्जेची भेट देण्याची घोषणा केली. अयोध्येहून परतल्यानंतर त्यांनी 'पंतप्रधान सूर्योदय योजने'ची माहिती दिली.
भारताला स्वावलंबी बनवण्यासाठी आणि विजेच्या तुटवड्यावर मात करण्यासाठी कोट्यवधी घरांमध्ये रूफटॉप सोलर पॅनेल बसवण्याचा निर्णय घेतल्याचे पंतप्रधान म्हणाले. ही योजना कशी राबविली जाईल आणि त्याचा फायदा कोणाला होईल याबद्दल आम्ही तुम्हाला सांगणार आहोत. वन इंडियाने हे वृत्त प्रसिद्ध केले आहे.
काय आहे प्लॅन?
पंतप्रधान सौर पॅनेल योजनेअंतर्गत देशभरातील एक कोटी घरांवर रूफटॉप सोलर बसविण्यात येणार आहे. ज्यामुळे या घरांमध्ये विजेची कमतरता भासणार नाही. यामुळे मध्यमवर्गीयांना वीजबिल कमी होण्यास मदत होणार आहे. या योजनेमुळे ज्या गरिबांच्या घरांमध्ये अद्याप वीज पोहोचलेली नाही, त्यांची घरे उजळून निघणार आहेत. (सौर पॅनेल योजना)
