येत्या 14 जानेवारीला नियोजित 'भारत न्याय यात्रे'च्या पार्श्वभूमीवर काँग्रेसने गुरुवारी (4 जानेवारी 2024) आपले सरचिटणीस, राज्य प्रभारी, प्रदेशाध्यक्ष आणि काँग्रेस विधिमंडळ पक्षाच्या नेत्यांची बैठक बोलावली आहे.
पक्षाध्यक्ष मल्लिकार्जुन खर्गे यांच्या अध्यक्षतेखाली झालेल्या या बैठकीत भारत न्याय यात्रेचा मार्ग निश्चित तर होईलच, शिवाय आगामी लोकसभा निवडणुकीच्या तयारीचाही विचार करण्यात येणार आहे.
'भारत न्याय यात्रा' १४ जानेवारीपासून मणिपूरमधील इंफाळ येथून सुरू होणार असून २० मार्च रोजी मुंबईत या यात्रेचा समारोप होणार आहे. ही यात्रा १४ राज्ये आणि ८५ जिल्ह्यांचा प्रवास करणार आहे.
"लोक उत्साहित आहेत कारण जेव्हा भारत जोडो यात्रा होत होती तेव्हा राहुल गांधी उत्तर पूर्वांचलमध्ये येऊ शकले नाहीत, आम्ही त्यावेळी सांगितले होते की तेथील लोकांनी निराश होण्याची गरज नाही. उत्तर पूर्वांचलच्या जनतेवर असलेल्या प्रेमामुळेच राहुल गांधी उत्तर पूर्वांचलमध्ये येणार आहेत, असे गोगोई म्हणाले.
काँग्रेसचे सरचिटणीस केसी वेणुगोपाल यांनी सांगितले की, ही यात्रा 14 जानेवारीला इंफाळ येथून सुरू होणार आहे आणि 20 मार्च रोजी मुंबईत संपणार आहे. ही यात्रा १४ राज्ये आणि ८५ जिल्ह्यांचा दौरा करणार आहे. यात मणिपूर, नागालँड, आसाम, मेघालय, पश्चिम बंगाल, बिहार, झारखंड, ओडिशा, छत्तीसगड, उत्तर प्रदेश, मध्य प्रदेश, राजस्थान, गुजरात आणि शेवटी महाराष्ट्र या राज्यांचा समावेश असेल, असे वेणुगोपाल यांनी सांगितले.
