Param Bir Singh : परमबीर सिंह यांच्याविरोधातील तपास बंद करण्याचा सीबीआयचा अहवाल; पुरावे नसल्याचं दिलं कारण

मुंबईः खंडणी मागितल्याप्रकरणी ठाण्यातील कोपरी पोलीस ठाण्यात माजी पोलीस आयुक्त परमबीर सिंग यांच्यासह इतरांविरुद्ध गुन्हा दाखल करण्यात आलेला होता. या गुन्ह्याचा तपास बंद करण्याचा अहवाल केंद्रीय गुन्हे अन्वेषण विभागाने (सीबीआय) मुख्य न्याय दंडाधिकाऱ्यांकडे सादर केला आहे.


परमबीर सिंह यांनी राज्याचे माजी गृहमंत्री अनिल देशमुख यांच्यावर गंभीर आरोप केले होते. त्यांनी तत्कालीन मुख्यमंत्री उद्धव ठाकरे यांना पत्र लिहून महाविकास आघाडीमध्ये खळबळ माजवून दिली होती. वेगवेगळ्या महत्त्वाच्या हॉटेल आणि बार मधून वसुली गोळा करायला लावले जातात, खंडणी गोळा करायला लावली जाते, असे आरोप परमबीर सिंह यांनी केले होते.