बळवंतराव हरी साकवळकर प्र०- आता आपल्या निर्माणकर्त्यावर पुष्पे चढवून त्याची पूजा आपण मानवानी कोणत्या तऱ्हेने करावी?
जोतीराव उ० या अफाट पोकळीतील अनंत सूर्यमंडळासह त्याच्या ग्रहोपग्रहासहित पृथ्वीवरील पुष्पे वगैरे सर्व सुवासिक पदार्थ जर निर्माणकर्त्यानी दयादृष्टीने आपल्या मानवीच्या उपभोगासाठी उत्पन्न केली आहेत, तर त्यापैकी कोणता पदार्थ उलटा आपण निर्मीकावर वाहून त्याची पूजा करावी? एकंदर सर्व पदार्थ निर्मीकाने जर उत्पन्न केले आहेत, तर आपल्याजवळ आपले स्वतः चे काय आहे, ते निर्मीकावर
वाहून त्याची पूजा करावी? बळवंतराव. प्र० तर मग आता आपण या पुष्पाचा काय उपयोग करावा?
जोतीराव 30- स्वपरिश्रमानें आपल्या कुटुंबाचे पोषण करून रात्रदिवस जगाच्या कल्याणासाठी झटणारे ह्मणजे अज्ञानी मानव बांधवांस आपमतलबी व स्वकार्यसाधु लोकांच्या जाळ्यांतून मुक्त करणारे अशा सत्पुरुषास फुलांच्या माळा करून नित्य ईश्वराच्या नावाने अर्पण कराव्यात, ह्मणजे पुष्पाचे सार्थक झाले.
