अॅपल कंपनीच्या प्रोडक्टचा एक वेगळाच दर्जा आहे. आयफोन, मॅकबूक, टॅबलेट, ईअरबड्स याबाबत तरुणाईमध्ये प्रचंड क्रेझ आहे. अॅपल आयफोनच्या नव्या सीरिजबाबत कायमच उत्सुकता राहिलेली आहे. असा असताना आता अॅपल कारची चर्चा रंगू लागली आहे. आतापर्यंतचे प्रोडक्टच इतके भारी आहेत की उत्सुकता असणारच. मात्र ही कार कधी लाँच होणार याबाबत अधिकृत कोणतीही माहिती नाही. नुकतंच ब्लूमबर्गने अॅपलच्या कारबाबत एक रिपोर्ट फाईल केला आहे. या रिपोर्टनुसार, अॅपल कार काही देशांसाठी डिझाईन केली आहे. म्हणजेच ही संपूर्ण जगभर लाँच होणार नाही, असंच यावरून दिसत आहे. मर्सिडीज, टेस्ला, GM हमर इव्ही आणि इतर इलेक्ट्रिक वाहनांच्या तुलनेत ही कार स्वस्त असेल, असं बोललं जात आहे. अॅपल कारची मर्सिडीज आणि टेस्लाशी स्पर्धा असेल. अॅपलच्या मस्त कारमध्ये अॅपल सिलिकॉन चिपसेट वापरण्यात येणार असल्याचे सांगतिलं जात आहे. रिपोर्टमध्ये असे सांगण्यात आले आहे की हा चिपसेट अॅपलच्या चार हाय-एंड MAC चिप्सच्या बरोबरीचा असेल. कंपनीचे सिलिकॉन इंजिनियर्स चिप्स विकसित करणार आहेत.
• अॅपल कारमध्ये काय असेल खास?
अॅपलनं सेल्फ ड्रायव्हिंग कारची गेल्या अनेक वर्षांपासून प्रतिक्षा आहे. आता लाँचिंग डेट 2026 पर्यंत पुढे ढकलल्याचं बोललं जात आहे. एका रिपोर्टनुसार, कंपनीने 8 वर्षांपूर्वी सेल्फ ड्रायव्हिग कारवर काम करण्यास सुरुवात केली होती. या कारची किंमत 1 लाख डॉलर्स असू शकते. अॅपलच्या कारमध्ये स्टिअरिंग व्हील आणि पेडल्स नसल्याची बातमी होती. पण कंपनीची अशी कोणतीही योजना नाही. कंपनीच्या एका सूत्राने ब्लूमबर्गला सांगितले की, कंपनी कारच्या डिझाइनमध्ये काहीही वेगळे करणार नाही, कारमध्ये स्टीयरिंग व्हील आणि पेडल्स असतील.
• जगभरात आपल्या आयफोनसाठी (iphone) प्रसिद्ध असलेली कंपनी अॅपल लवकरच वाहन क्षेत्रात (Automotive industry)एंट्री घेणार आहे. जागतिक बाजारात अॅपलची कार (apple car) येणे जवळपास निश्चित झाले आहे. अॅपलच्या सीईओच्या म्हणण्यानुसार, ही कार सेल्फ ड्रायव्हिंग असेल. ही कार बनवण्यासाठी अॅपलने जगातील सर्वोत्तम ऑटोमोबाईल कंपन्यांच्या इंजिनिअर्सची टीम तयार केली आहे. याबद्दलच अधिक माहिती अजनून घेऊ.
• अॅपल कार तंत्रज्ञान (apple car technology)
अॅपलच्या कारमध्ये जबरदस्त हार्डवेअर, टॉप नोज सॉफ्टवेअर आणि जबरदस्त सिक्युरिटी फीचर्स ग्राहकांना पाहायला मिळणार आहेत. तसेच अॅपलची कार तुमच्या डिव्हाइसवरूनही ऑपरेट केली जाऊ शकते, अशी शक्यता आहे. एका रिपोर्ट्सनुसार, कंपनीने आपल्या कार बनवण्याच्या या प्रकल्पाचे नाव 'टायटन' ठेवले आहे. या कारमध्ये वापरलेली चिप तैवानमध्ये बनवता येत आहे. कारण कंपनी इथून आपल्या इतर उत्पादनांसाठी चिप्स बनवते.
• तुमच्या मूडनुसार धावेल अॅपल कार
या कारमध्ये ऑटोपायलट सारखे फीचर मिळू शकते. तसेच ही स्मार्ट कार तुमचा मड लक्षात घेऊन धावेल, असे तंत्रज्ञान यात दिले जाऊ शकते. तुम्ही तणावग्रस्त असताना कार चालवण्याचा मार्ग आणि चांगल्या मूडमध्ये कार चालविण्याचा मार्ग भिन्न असेल. तसेच हे देखील शक्य आहे की, कारमध्ये असे तंत्रज्ञान दिले जाऊ शकते, जे तुमच्या शरीराच्या हालचालीवर देखील लक्ष ठेवेल.
• अॅपल कार टेस्ट
या ऑटो पायलट कारच्या टेस्टसाठी कंपनीने सरकारकडून परवानगीही घेतली आहे. अमेरिकेत अनेक वेळा रस्त्यांवरील अनेक गाड्यांवर टेस्टिंग डिव्हाईस सारखी मशीन दिसली आहे. ज्यावरून असा अंदाज लावला जात आहे की, अॅपल आपल्या कारसाठी ऑटो पायलट सॉफ्टवेअरची टेस्ट करत आहे. अॅपलच्या कारच्या टॅक्सीबाबतही अशी चर्चा केली जात आहे की, ही कार तुम्ही टॅक्सी म्हणून बुक केल्यास ती ड्रायव्हरशिवाय तुमच्यापर्यंत येऊ शकते.
मिळालेल्या माहितीनुसार, अॅपलने अशी काही पेटंट दाखल केली आहे जी कारमध्ये वापरली जाणार आहेत. जसे की पॉवर शेअरिंग (दुसर्या कारसह रस्त्यावर फिरणाऱ्या कारचा पॉवर शेअरिंग पर्याय). त्याचबरोबर अॅपलच्या कारमध्ये इतर गाड्यांप्रमाणे स्टिअरिंग आणि पेडल्स असण्याची शक्यता कमी आहे. या कारचे दरवाजे मॅन्युअल बंद करण्याऐवजी स्वयंचलित असू शकतात. अॅपलमधील चाके सामान्य गाड्यांऐवजी इतर काही डिझाइनची असू शकतात, अशी अपेक्षा आहे.
• या गाड्यांशी होणार स्पर्धा
अॅपल टेस्लासह ऑडी, बीएमडब्ल्यू (BMW), मर्सिडीज यांसारख्या जवळपास सर्व ब्रँडशी स्पर्धा करेल. त्यामुळे ऑटोमोबाईल क्षेत्रातील बड्या कंपन्याही चिंतेत आहेत. एका मुलाखतीदरम्यान इलॉन मस्क यांना अॅपलच्या कारबद्दल विचारण्यात आले. तेव्हा मस्क यांनी सांगितले की, अॅपल यावर काम करत आहे. त्यावेळी ते चिंतेत असल्याचं दिसलं.
• अॅपल कारची किंमत आणि लाँच तारीख
ब्लूमबर्गच्या रिपोर्टनुसार, कारची किंमत सुमारे 1 लाख डॉलर्स म्हणजेच सुमारे 80 लाख रुपये असेल. पण कंपनी कारची किंमत आणखी कमी करण्याचा विचार करत आहे. जर ही कार कंपनी 2026 मध्ये कार बाजारात सादर करू शकते.