गेली १५ वर्षे प्रेक्षकांचं मनोरंजन करणारी मालिका ‘तारक मेहता का उल्टा चष्मा’ आता वादाची मालिका ठरत आहे. गेल्या काही वर्षात मालिकेतल्या लोकप्रिय कलाकरांनी निर्मात्यांवर गंभीर आरोप केलेत. आता मालिकेतील मिसेस सोढी हिनं निर्मात्यांवर लैंगिक शोषणाचे आरोप केले आहेत.
मुंबई: छोट्या पडद्यावरील सर्वाधिक लोकप्रिय असलेली मालिका म्हणजे ‘तारक मेहता का उल्टा चष्मा’.आजवर या मालिकेवर प्रेक्षकांनी भरभरून प्रेम केल्यामुळं ही मालिका तब्बल १५ वर्षानंतरही प्रेक्षकांच्या भेटीला येतेय. पण आता या मालिकेत पहिल्यासारखी मजा नसल्याचं खुद्द प्रेक्षक म्हणत आहेत. तर या मालिकेच्या कलाकारांचे वादही आता समोर येत आहे.
गोकुळधाम सोसायटीत गुण्या गोविंदाने राहणाऱ्या अनेक जोडप्यांची गोष्ट ‘तारक मेहता का उल्टा चष्मा’ या मालिकेत पाहायला मिळतेय.गेल्या १५ वर्षात अनेक कलाकार या मालिकेशी जोडले गेले आणि अनेकांनी राम-रामही ठोकला. मालिकेप्रमाणं या मालिकेची टीम पडद्यामागंही एक कुटुंब असल्यासारखं राहत असल्याचं अनेकदा सांगण्यात आलं. पण आता हे चित्र खोटं होतं की काय असं वाटत आहे. कारण गेल्या काही वर्षात अनेक कलाकारांनी निर्मात्यांवर गंभीर आरोप केलेत.
दयाबेन दया वकानी हिनं मालिका सोडली. त्यानंतर शैलेश लोढा यांनी त्यांच्या अपमान झाल्याचं सांगत मालिता सोडली. तर टप्पूची भूमिका साकारणाऱ्या दोन कलाकरांनीही मालिकेचा काही महिन्यांतच निरोप घेतला. आणि आता मालिकेतील महत्त्वाचं पात्र असलेल्या मिसेस सोढी अर्थात अभिनेत्री जेनिफर मिस्त्री बन्सीवाल हिनं असित मोदींवर लैंगिक शोषणाचे आरोप केलेत. तिनं निर्माते असित मोदी, प्रोजेक्ट हेड सोहील रमाणी आणि एक्झिक्युटिव्ह प्रोड्युसर जतिन बजाज यांच्याविरोधात तक्रार दाखल केली असून त्यात कामाच्या ठिकाणी लैंगिक शोषणाचे आरोप केले आहेत.
जेनिफरच्या आरोपानंतर चर्चेला उधाण आलं आहे. आता यावर ‘तारक मेहता का उल्टा चष्मा’ मालिकेतील भिडे मास्तर म्हणजेच अभिनेता मंदार चांदवडकर यानं यावर प्रतिक्रिया दिली आहे. मला माहीत नाही की, जेनिफरनं नेमकं असं का केलंय. त्यांच्यात नेमकं काय झालं हे मलाही माहिती नाही. पण हे पुरुषांचीच मक्तेदारी असलेली जागा नाहीय. इथं नेहमीच खेळीमेळीचं वातावरण असतं. असं काही असतं तर हा शो इतकी वर्षे चाललाच नसता.
• कार्यक्रमाचे निर्माते " आसित मोदी " यांना अटक होण्याची शक्यता आहे.
(Taarak Mehta Ka Ooltah Chashma) मालिकेच्या पडद्यामागचा वाद चव्हाट्यावर आला आहे. मालिकेतील अनेक कलाकारांनी निर्मात्यांवर गंभीर आरोप केले आहेत. पैसे थकवणे, महिलांसोबत गैरवर्तवणुक यामुळे निर्माते असित मोदी (Asit Modi) अडतणीत आले आहेत. तर आता असित मोदींविरोधात पोलिसांनी केस रजिस्टर केली आहे.
तारक मेहता मधील कलाकारांच्या आरोपांनंतर निर्माते असित मोदी यांच्याविरोधात पवई पोलिसांनी केस रजिस्टर केली आहे. यासोबतच ऑपरेशन हेड सोहेल रमानी आणि एक्झिक्युटिव्ह प्रोड्युसर जतिन बजाज यांच्याविरोधात देखील कारवाई करण्यात आली आहे. कलम 354 आणि 509 अंतर्गत केस दाखल करण्यात आली आहे. अजूनपर्यंत कोणालाही अटक करण्यात आलेली नाही.
'तारक मेहता का उल्टा चष्मा' मालिका गेल्या १४ वर्षांपासून प्रेक्षकांचं मनोरंजन करत आहे. मुंबईतील फिल्मसिटीतच मालिकेचा सेट आहे. सेटवर कलाकारांना अतिशय हीन दर्जाची वागणूक मिळायची असा आरोप निर्माते असित मोदींवर करण्यात आलाय. पवई पोलिस या प्रकरणाचा अधिक तपास करत आहेत.
तारक मेहताची भऊमिका साकारणारे अभिनेते शैलेश लोढा यांनी दोन वर्षांपूर्वीच मालिका सोडली. अनेक महिन्यांचे पैसे थकवल्याप्रकरणी त्यांनी असित मोदींविरोधात तक्रार केली होती. यानंतर अभिनेत्री जेनिफर मिस्त्रीने लैंगिक छळाचा आरोप केला. यामुळे एकच खळबळ उडाली होती. असित मोदी महिलांशी घाणेरड्या शब्दात बोलायचे, त्यांना रात्री अपरात्री हॉटेल रुमवर बोलवायचे असा आरोप जेनिफरने केला. याशिवाय 'बावरी' ही भूमिका साकारणारी अभिनेत्री मोनिका भदोरियाने असित मोदींविरोधात सेटवर वाईट वागणूक दिल्याचा आरोप केला. तसंच रिटा रिपोर्टरची भूमिका साकारणाऱ्या अभिनेत्रीनेही असित मोदींवर आरोप केले आहेत. या सर्व तक्रारी पाहता असित मोदीं आणि टीमवर कधीही कारवाई होण्याची शक्यता आहे.