• आभासी चलनात गुंतवणूक करुन अधिक परतावा देण्याचं आमिष दाखवणाऱ्या आरोपीला मुंबई पोलिसांनी पश्चिम बंगालमधून अटक केली. या प्रकरणात मराठी अभिनेता आणि अभिनेत्री गुंतवणूक योजनेची जाहिरात करत असल्याची धक्कादायक माहिती समोर आली आहे.
पोलिसांच्या मदतीने मोहम्मद हमजा झाकी अन्वर (२१) याला अटक केली. या चोराने मुंबई तसेच आजूबाजूच्या परिसरातील अनेकांची फसवणूक केली आहे. त्याने फसवणुकीसाठी आठ ते दहा मोबाइलचा वापर केल्याचे स्पष्ट झाले.
विशेष म्हणजे हमजा याने सोशल मीडियावर हजारो फॉलोअर्स असणारे चित्रपटसृष्टीतील अभिनेता आणि अभिनेत्री शोधले. त्यांना आपल्या गुंतवणूक योजनेची त्यांच्या सोशल मीडिया अकाउंटवर जाहिरात करण्यास सांगितली. त्याबदल्यात तो त्यांना मोबदला देत होता. या माहितीनंतर काळाचौकी पोलिसांनी एक अभिनेता व दोन अभिनेत्रींनाही फसवणूक व माहिती-तंत्रज्ञान कायद्यांतर्गत दाखल गुन्ह्यात सहआरोपी केले आहे. तसेच कोणतीही शहानिशा न करता जाहिरात केल्याबद्दल नोटीस बजावली आहे.
