मोठ्या पडद्यावर सुंदर दिसण्यासाठी बॉलिवूड स्टार्स त्यांच्या आहारात आणि दिनचर्येत खूप बदल करतात. इतकंच नाही तर चित्रपटाच्या स्क्रिप्टच्या गरजेनुसारही त्यांना स्वतःला बदलावे लागते. 'दंगल' चित्रपटाविषयी तुम्ही ऐकलेच असेल की, मिस्टर परफेक्शनिस्ट म्हटल्या जाणाऱ्या आमिर खानने आधी आपले वजन १०० किलोपेक्षा जास्त कसे वाढवले आणि नंतर ते कमीही केले. अनिल कपूर यांनी 'बधाई हो बधाई' चित्रपटासाठी आपले वजन जवळपास दुप्पट केले होते. आजही आम्ही तुम्हाला अशाच एका कथेबद्दल सांगणार आहोत, ज्यामध्ये एका अभिनेत्याने काही दिवसांसाठीच नाही तर संपूर्ण आयुष्यभरासाठी स्वत:ला बदलले आहे.
Eहा अभिनेता म्हणजे अक्षय कुमार. तो पुन्हा एकदा चर्चेत आला आहे. त्याचा बहुप्रतिक्षित चित्रपट 'ओह माय गॉड २' म्हणजेच 'OMG २' चा टीझर लाँच झाला आहे. आज आपण त्याच्या चित्रपटाबद्दल नाही तर या चित्रपटाशी निगडीत एक अशी गोष्ट सांगणार आहोत, ज्याबद्दल तुम्ही याआधी ऐकले नसेल.
अक्षय कुमार हा अस्सल खवय्या आहे. त्याने अनेकदा वेगवेगळ्या मुलाखतीत ही गोष्ट शेअर केली आहे. त्याला मांसहारी पदार्थ खूप आवडतात. पण आश्चर्याची गोष्ट म्हणजे त्याने मांसाहार सोडला आहे.
सध्या अक्षय कुमारचा 'भगवान शंकरा'चा लूक सोशल मीडियावर चांगलाच व्हायरल होत आहे. त्यात अक्षय कुमारचा जटाधारी लूक पाहायला मिळतो. अक्षय कुमार 'ओ माय गॉड' या चित्रपटाच्या सिक्वेलमध्ये दिसणार असून या चित्रपटात तो भगवान शंकराची भूमिका साकारत आहे. यापूर्वी अक्षयने परेश रावलसोबत 'ओ माय गॉड'मध्ये काम केले होते आणि 'भगवान कृष्णा'ची भूमिका साकारली होती. अक्षय कुमारच्या आयुष्याशी संबंधित ही गोष्ट 'ओ माय गॉड' चित्रपटाशी निगडीत आहे.
अक्षय कुमारची आई अरुणा आपल्या मुलाच्या प्रत्येक चित्रपटाची संपूर्ण माहिती ठेवत असे. अक्षयला त्या वेळोवेळी अनेक महत्त्वाच्या सूचनाही देत असत. 'ओ माय गॉड' या चित्रपटात अक्षय भगवान कृष्णाची भूमिका साकारणार असल्याचे त्याच्या आईला कळले तेव्हा त्यांनी अक्षयला एक सल्ला दिला.
रिपोर्ट्सनुसार, अभिनेत्याची आई म्हणाली की जोपर्यंत चित्रपट पूर्ण होत नाही तोपर्यंत मांसाहार करू नकोस, कारण तू देवाच्या भूमिकेत दिसणार आहेस. त्यामुळे तू त्यांच्यासारखे जीवन जगणेही गरजेचे आहे. अक्षयला त्याच्या आईची ही सूचना खूप आवडली. एक चांगला मुलगा असल्याने त्याने चित्रपटादरम्यान मांसाहार सोडला आणि तो शाकाहारी झाला होता.
चित्रपट संपला आणि त्यानंतर असे काही घडले ज्यामुळे अक्षय कायमचा शाकाहारी बनला. चित्रपट संपल्यानंतरही आपण नॉनव्हेज खाऊ नये, असे अक्षयलाच वाटत होते.
यानंतर त्याने ठरवले की आपण कायमचे शाकाहारीच व्हायचे. यामुळेच अक्षय चित्रपटानंतर आजपर्यंत शाकाहारी आहे आणि आता तो नॉनव्हेजला हातही लावत नाही. अक्षय कुमार, पंकज त्रिपाठी आणि यामी गौतमी यांचा ओह माय गॉड अर्थात OMG २ चे बजेट १५० कोटी रुपये आहे. हा चित्रपट ११ ऑगस्टला बॉक्स ऑफिसवर प्रदर्शित होणार आहे.
