आजकाल इतके सोशल मीडिया अकाउंट्स आहेत की प्रत्येकाचा पासवर्ड लक्षात ठेवणे कठीण झाले आहे. यामुळेच आपण आपल्या खात्याचा पासवर्ड विसरतो. ही समस्या टाळण्यासाठी लोक सोपे पासवर्ड ठेवतात किंवा ब्राउझरमध्येच पासवर्ड सेव्ह करतात. पण अशाप्रकारच्या गोष्टी तुमच्या खात्यासाठी मोठा धोका ठरू शकतो. Google Chrome बद्दल बोलायचे झाले तर, त्यात पासवर्ड मॅनेजर आहे जो आपले सर्व पासवर्ड सेव्ह केलेल्या पासवर्डमध्ये स्टोअर करतो. ज्यामुळे पुढील वेळी लॉग इन करताना आपल्याला पुन्हा सर्व डिटेल्स टाकण्याची आवश्यकता नाही. लोकांना ते सोयीचे वाटते पण ते किती धोकादायक असू शकते ते आम्ही तुम्हाला सांगणार आहोत...
• ब्राउझरमध्ये डिटेल्स सेव्ह करणे धोकादायक
तुम्ही तुमच्या कोणत्याही खात्याचा पासवर्ड ब्राउझरमध्ये सेव्ह करता तेव्हा आपोआपच त्यासोबत तुमचे क्रेडिट कार्ड तपशील आणि बिलिंग तपशीलही सेव्ह होतात. हे तपशील चोरीला जाण्याचा धोका नेहमीच असतो. जर कधी तुमचा फोन चोरीला गेला आणि हॅकर तुमचा फोन चालू करण्यात यशस्वी झाला तर तो तुमचा प्रत्येक पासवर्ड सहज शोधू शकतो. यासोबतच अनेक वेळा आपण काही एक्स्टेंशनही इन्स्टॉल होतात. मालवेअरसारखे व्हायरस इंटरनेटवर अनेक ठिकाणी लपलेले असते. हे मालवेअर तुमच्या खात्यांचे तपशीलही चोरू शकतात. ही समस्या टाळण्यासाठी तुम्ही सेव्ह केलेला पासवर्ड काढू शकता. आता हे कसे करायचे ते जाणून घेऊ.
∆ सेव्ह केलेला पासवर्ड कसा काढाल?
• यासाठी तुम्हाला गुगल क्रोमवर जावे लागेल. नंतर बाजूला दिलेल्या तीन ठिपक्यांवर क्लिक करा.
• त्यानंतर Settings वर क्लिक करा
• येथे तुम्हाला Password Manager चा पर्याय मिळेल, तो ओपन करा.
• थोडे खाली स्क्रोल करा आणि तुम्हाला तुमचे पासवर्ड सेव्ह केलेली यादी दिसेल. तुम्ही ज्यांचे पासवर्ड सेव्ह केले आहेत ते सर्व येथे दिसतील.
• त्यातून तुम्ही पासवर्ड काढू शकाल.