मित्रांनो आज आपली तरूणपिढी ही सिगारेट-विडी गुटखा,तंबाखु,मद्य,गांजा,चरस,कोकेन,हेराँईन अशा विविध मादक पदार्थांच्या दिवसेंदिवस आहारी जाताना दिसुन येत आहे.
जागोजागी टिव्हीवर वर्तमानपत्रात दाखवल्या जात असलेल्या बातम्यांमध्ये सुदधा हीच अंमली पदार्थाचे सेवण अणि त्याची केली जात असलेली अवैध तस्करीची बातमी आपणास पाहायला,वाचायला मिळत असते.
यावरून आपणास कळुन येते की देशाचे उद्याचे उज्जवल भविष्य ठरणार असलेली आपली देशाची तरूणपिढी नशेच्या जाळयात अडकुन कसे आपले आयुष्य खराब करीत आहे.
याचसाठी आपली बरबाद होत असलेल्या तरूणपिढीला वाचवण्यासाठी तरूणांमध्ये अंमली पदार्थाविषयी जागृकता निर्माण व्हावी याकरीता दरवर्षी एक खास दिवस साजरा केला जातो. ज्याचे नाव अंमली पदार्थाचे सेवण आणि अवैध तस्करी विरूदध आंतरराष्टीय दिवस असे आहे.
आजच्या लेखात आपण ह्याच अंमली पदार्थ विरोधी दिनाविषयी अधिक सविस्तरपणे माहीती जाणुन घेणार आहोत.
1)अंमली पदार्थाचे सेवण आणि अवैध तस्करी विरूदध आंतरराष्टीय दिवस कधी पाळला जात असतो?
-अंमली पदार्थाचे सेवण आणि अवैध तस्करी विरूदध आंतरराष्टीय दिवस 26 जुन रोजी पाळला जात असतो.
2) अंमली पदार्थाचे सेवण आणि अवैध तस्करी विरूदध आंतरराष्टीय दिवस का पाळला जातो?हा दिवस पाळण्याचे मुख्य उददिष्ट काय आहे?
-जे लोक आज नशेच्या आणि अंमली पदार्थांच्या जाळयात अडकलेले आहेत.अशा लोकांना त्यातुन बाहेर काढण्यासाठी त्यांचे आयुष्य वाचवून जनतेमध्ये अंमली पदार्थाविषयी जागृकता निर्माण करण्यासाठी हा दिवस साजरा केला जात असतो.
3) अंमली पदार्थाचे सेवण आणि अवैध तस्करी विरूदध आंतरराष्टीय दिवसाचा इतिहास
–1987 मध्ये युनायटेड नेशनच्या भरवण्यात आलेल्या एका सभेत 26 जुन हा दिवस अंमली पदार्थाचे सेवण विरोधी दिवस म्हणुन घोषित केला होता.
अंमली पदार्थाचे सेवण केल्यास ते आपल्या आरोग्यासाठी कसे घातक ठरत असतात.कसे अनेक लोकांना आपला तारूण्यातच ह्या नशेच्या अधिन गेल्यामुळे जीव गमवावा लागतो.हे जगाला सांगण्यासाठी आणि याविषयी समाजात जागृकता निर्माण करण्याकरीता हा दिवस दरवर्षी 26 जुन रोजी साजरा केला जाऊ लागला.
4) अंमली पदार्थाचे सेवण आणि अवैध तस्करी विरूदध आंतरराष्टीय दिवसाचे महत्व –
● ह्या दिवशी जगभरातील तरूणांना तसेच लहान मुलांना अंमली पदार्थाचे सेवण केल्याने आपल्या जीवणावर काय वाईट दुष्परिणाम होतो हे समजावून सांगण्यात येते.ह्या दिवशी त्यांच्यामध्ये मादक आणि अंमली पदार्थाविषयी जागृकता निर्माण केली जात असते.
● विविध शाळा,काँलेज,सार्वजनिक स्थळी अंमली,मादक पदार्थाबददल जागृकता निर्माण करण्यासाठी विविध उपक्रम,कार्यक्रम राबविले जात असतात.अंमली पदार्थाचे सेवण केल्याने आपल्या शरीरावर याचे काय दुष्परिणाम होतात?याने आपल्या आयुष्याची तारूण्याची कशी बरबादी होते?याचा आपल्या वैयक्तिक जीवणावर काय परिणाम होत असतो?हे ह्या उपक्रमांच्या माध्यमातुन सर्व जगाला तसेच ह्या नशेच्या जाळयात अडकलेल्या तरूणपिढीला सांगितले जात असते.
5)अंमली पदार्थाचे सेवण आणि अवैध तस्करी विरूदध आंतरराष्टीय दिवस आपण दरवर्षी कशापदधतीने साजरा करायला हवा?
ह्या दिवशी समाजातील विविध सामाजिक संस्था,संघटना वैदयकीय चिकित्सक यांनी एकत्र येऊन अंमली पदार्थाच्या जाळयात अडकलेल्या तरूणाईला मदतीचा हात देऊन त्यांना आधार द्यायला हवा.
जेणेकरून मादक पदार्थाच्या जाळयात अडकलेल्या तरूणवर्गाला यातुन लवकर बाहेर पडण्यास मदत होईल.आणि समाजात ऐक्य देखील निर्माण होईल. अंमली पदार्थाचे सेवण केल्याने काय दुष्परिणाम होऊ शकतात हे तरूण पिढीला विविध उपक्रमांच्या माध्यमातुन सांगायला हवे.
6) अंमली पदार्थाचे सेवण करण्याचे आपल्या आरोग्यावर होणारे दुष्परिणाम –
● आपले शारीरिक आणि मानसिक आरोग्य बिघडते.
● आपल्या झोपेवर,आठवणींवर तसेच भावनेवर देखील याचे वाईट परिणाम होऊ लागतात.आपल्यात नैराश्यता,ओदासिन्य निर्माण होऊ लागते.
● आपल्या वैयक्तिक तसेच कौटुंबिक जीवणावर देखील याचा वाईट प्रभाव पडतो.
● तरूणांमध्ये अंमली पदार्थाचे सेवण केल्याने हिंसकता गुन्हेगारी प्रवृत्ती वाढते.
● वेळीच ह्या व्यवसनांना आळा घातला न गेल्यास कित्येक तरूण तरूणींना ह्या व्यसनापायी तारूण्यातच आपला जीव गमवावा लागतो.
7) अंमली पदार्थाचे सेवण केल्याने आपल्या आरोग्यावर होणारे दुष्परिणाम आपण कसे रोखु शकतो?
● अंमली पदार्थाचे सेवण केल्याने आपल्या शारीरिक आणि मानसिक आरोग्यावर कसे विपरीत परिणाम होत असतात आपले आणि आपल्या परिवाराचे आयुष्य कसे बरबाद होते हे तरूणपिढीला समजावून सांगायला हवे.
● अंमली पदार्थाची अवैधपणे तस्करी होताना आढळुन आल्यास त्वरीत पोलिसांना कळवायला हवे.
● अंमली पदार्थ विरोधी जनजागृती मोहीम राबवायला हवी.
● अंमली पदार्थांबाबद तरूणाईमध्ये जे चुकीचे समज निर्माण झाले आहेत ज्यामुळे तरूणाई अंमली पदार्थाच्या आहारी जात आहे त्यांचे ते गैरसमज वेळीच दुर करायला हवेत.की मादक पदार्थ सेवण केल्याने आपणास आनंद प्राप्त होतो,आपले टेंशन,समस्या एकटेपणा दुर होतो.
● लहानपणापासुन आपल्या मुलांवर असे काही संस्कार करावे की ते कधी भविष्यात देखील कधीच मादक पदार्थाचे सेवण करणार नाहीत आणि ह्या चुकीच्या मार्गाला जाणार नाही.
एरवी झोपडपट्टीतील मुलांमध्ये आढळून येणाऱ्या गांजा, चरस अशा अंमली पदार्थांच्या सेवनाचे प्रमाण आर्थिकदृष्ट्या संपन्न घरातील १५ ते २६ वयोगटातील मुलांमध्येही वाढत चालले असून गांजाचा वापर सर्वाधिक होत असल्याचे चित्र आहे. यासोबतच स्टॅम्प आणि ई-सिगारेटचे व्यसन करण्याकडे अधिक कल असल्याचा निष्कर्ष व्यसनमुक्ती केंद्र चालविणाऱ्या संस्थांकडून काढला गेला आहे. मुंबईपाठोपाठ पुणेही आता कॉस्मोपॉलिटन शहर बनले आहे. पुण्यात अंमली पदार्थांच्या तस्करीमध्ये मोठी वाढ होऊ लागली असून या व्यसनांच्या विळख्यामध्ये तरुणाई जखडली जात आहे.
विशेषत: शहरातील विविध भागात छुप्या आणि उघड पद्धतीने सुरु असलेल्या हुक्का पार्लर्समध्ये नशेचे साहित्य राजरोसपणे विकले जात आहे. हे हुक्का पार्लर्स पालकांची डोकेदुखी ठरत आहेत. हुक्क्यामध्ये विविध स्वरुपाचे फ्लेवर मिसळले जात असून त्यातून तंबाखू आणि ड्रग्जचे मिश्रण दिले जात आहे. त्यामध्ये कोकेन आणि एमडीचे प्रमाण सर्वाधिक आहे. मोसंबी, संत्रा, आंबा, व्हॅनिला अशी दोन-चार नव्हे तर तब्बल ५२ फ्लेवर्स बाजारात उपलब्ध आहेत. प्रिमियम फ्लेवर्सचे ११, तर इकोनॉमी फ्लेवर्सचे तब्बल ४१ फ्लेवर्स बाजारात सध्या उपलब्ध आहेत. प्रमियम फ्लेवर्समध्ये ब्लूबेरी, बॉम्बे पानमसाला, डबल अ?ॅप्पल, सिल्व्हर फॉक्स, स्ट्रॉबेरी असे विविध स्वाद आहेत. तर इकोनॉमी फ्लेवर्समध्ये चॉकलेट, चोको मिन्ट, नारळ, कॉफी, बबलगम, केळे, कोला अशा ४१ फ्लेवर्सचा यात समावेश आहे.यासोबतच मेफेड्रोन ही सध्या तस्करांसाठी चलनी नोट ठरत आहे. एमडीच्या सेवनाची एकदा सवय जडली की ती सहसा सुटत नाही. एमडीच्या सेवनाने लैंगिक क्षमता वाढत असल्याच्या अपप्रचारामुळेही त्याची मागणी वाढली आहे.सध्या अंमली पदार्थांच्या तस्करीमध्ये नायजेरीयन तरुण सर्वाधिक सक्रीय आहेत. दक्षिण आफ्रिका, युरोप आणि आशिया या ह्यगोल्डन कॉरीडोरह्ण मधून कोकेन, ब्राऊन शुगर सारख्या महागड्या नशेच्या साहित्याची तस्करी केली जात आहे. शहरातील काही नामवंत आणि उच्चभ्रु महाविद्यालयांमध्ये ड्रग विक्रेत्यांनी जाळे निर्माण केले आहे. कोरेगाव पार्क, मुंढवा, कोंढवा, वानवडी, लष्कर, येरवडा, विमाननगर, बाणेर, हिंजवडी, पाषाण आदी परिसरात अधिक मागणी असल्याचे पोलिसांचे म्हणणे आहे. =====रेव्ह पार्टी, हुक्का व मद्य पार्ट्या आयोजित केल्या जातात. सोशल नेटवर्किंग साईट्सवर आणि व्हॉट्स अॅपवर अॅक्टीव्ह असलेल्या तरुणाईपर्यंत ही व्यसनाची साधने पोचवणे सोपे झाले आहे. त्यातच शिक्षणाच्या निमित्ताने बाहेरगावी असलेल्या तरुणांकडे त्यांच्या पालकांचे लक्ष नसते. आपली मुले कुठे जातात, काय करतात याकडे पहायला पालकांना वेळ नाही. त्यामुळे असे सावज हे डीलर्स शोधत असतात. अंमली पदार्थांच्या सेवनामध्ये सर्वाधिक प्रमाण महाविद्यालयीन तरुणांचेच आहे.====शाळकरी मुलांमध्ये व्हाईटनर, व्हेंसेडील, पॉलिश लिक्विडच्या सेवनाचे प्रमाण झपाट्याने वाढत चालले आहे. त्यांचे कौमार्य आणि तारुण्य या व्यसनांमुळे कुस्करले जात आहे.
यासोबतच स्टिकर नावाचा एक अमली पदार्थ मिळतो. हा पदार्थ जिभेवर ठेवला ही त्याची नशा होते. नायट्रेक्स टॅब्लेट्सही बाजारात उपलब्ध आहेत.====इंटरनेट अॅडिक्शन, तासनतास मोबाईल, लॅपटॉप किंवा संगणकावर अॅक्टीव्ह असणे, सतत पॉर्न साईट्स अथवा पॉर्न क्लिप पाहात राहणे हा सुद्धा मानसिक आजाराचा एक ट्रेंड समोर येऊ लागला आहे. ई-सिगारेटचे प्रमाण मोठ्या प्रमाणावर वाढले आहे. गेल्या दोन वर्षात गांजा सेवनाचे प्रमाण तरुणांमध्ये वाढले आहे. शाळा, महाविद्यालयातील विद्यार्थ्यांना गांजा सहज उपलब्ध होत आहे. हुक्का आणि त्यामधून नशा याचे प्रमाणही वाढत चालले आहे. योग्य माहिती, समुपदेशन आणि जनजागृती यातून वाढत्या व्यसनाधिनतेवर अंकुश मिळवता येऊ शकेल.