112 वर्षांपूर्वी समुद्रात बुडालेले टायटॅनिक जहाज पाहायला घेऊन गेलेल्या पर्यटकांच्या पाणबुडीचा संपर्क तुटला आहे. 18 जूनपासून या पाणबुडीचा संपर्क झालेला नाही. मध्य अटलांटिक महासागरामध्ये या पाणबुडीची शोधमोहिम सुरु आहे. पाणबुडीतील ऑक्सीजन साठा कधीही संपू शकतो. अशातच आता याबाबत आता मोठी अपडेट समोर आलेली आहे. पाणबुडीतील ऑक्सिजन संपण्याआधीच यांचा मृत्यू झाला असावा अशी शंका तज्ञांनी उपस्थित केली आहे. यामुळे Titanic चे अवशेष पाहण्यासाठी गेलेल्या पाच जणांच्या जिवंत असण्याची शक्यता कमी असल्याची शक्यता देखील वर्तवली जात आहे. कार्बन डायऑक्साइडच्या विषबाधामुळे यांचा मृत्यू झाला असावा अशी शंका देखील उपस्थित केली जात आहे.
• टायटॅनिक पाणबुडी 5 दिवसांपासून बेपत्ता
टायटॅनिक ही पाणबुडी पाच दिवसांपासून बेपत्ता झाली आहे. अटलांटिक समुद्रात बुडालेल्या टायटॅनिक या अजस्र जहाजाची पाहणी करायला ही पानबुडी गेली होती. या पाणबुडीत पाकिस्तानमधील अब्जाधीश पिता-पुत्र आणि ब्रिटनमधील एक उद्योजक यांच्यासह एकूण पाच जण होते. या पाणबुडीत पाकिस्तानी अब्जाधीश शहज़ादा दाऊद, त्यांचे सुपुत्र सुलेमान, ब्रिटनचे व्यावसायित हामिश हार्डींग यांच्यासह ओशनगेट कंपनीचे सीईओ स्टॉकटन रश, फ्रेंच संशोधक पॉल आनरी नार्जेलेट प्रवास करत आहेत.
• ऑक्सीजन साठा कधीही संपू शकतो
पाणबुडीतील ऑक्सिजन साठा कधीही संपू शकतो. यामुळे या पाणुबुडीवर उपस्थित असलेले लोकांना हा साठा किती तासांपर्यत पुरेल याचा अंदाज लावणे कठीण असल्याचे तज्ञांचे म्हणणे आहे. अद्यापपर्यंत या पाणबुडीशी काहीही संपर्क झालेला नाही. मध्य अटलांटिक महासागरामध्ये खोल पाण्यात या पाणबुडीचा शोध घेतला जात आहे.
• पाणबुडीतील ऑक्सिजन संपण्याआधीच प्रवाशांचा मृत्यू झाल्याची शंका
पाणबुडीतील ऑक्सिजन संपण्याआधीच प्रवाशांचा मृत्यू झाल्याची शंका व्यक्त केली जात आहे. रॉयल नेव्हीचे अनुभवी पाणबुडे यांनी वर्तवलेल्या अंदाजानुसार पाणबुडी बेपत्ता होण्याआधीच यांचा मृत्यू झाला असावा. कारण, टायटन सारख्या पाणबुडींमध्ये विशिष्ट प्रकारच्या बॅटरी असतात. या बॅटरी संपल्यामुळे पाणबुडीचा संपर्क तुटला असावा. या बॅटरी संपल्यावर यातून मोठ्या प्रमाणात कार्बन डायऑक्साइड वायू उत्सर्जित होतो. या कार्बन डायऑक्साइडच्या विषबाधेमुळे पाणबुडीत असलेल्या पाचही जणांचा मृत्यू झाला असावा अशी भिती देखील व्यक्त केली जात आहे. यामुळे पाणबुडीतील ऑक्सिजन साठा संपण्याआधीच यांचा मृत्यू झाला असावा असा देखील तज्ञांचा अंदाज आहे.
• कसा घेतला शोध?
कॅनडाच्या एका जहाजाशी जोडल्या गेलेल्या एका यंत्रमानवी उपकरणाच्या मदतीनं पाणबुडीच्या अपघातग्रस्त अवशेषांचा शोध सालण्यात आला. गुरुवारीच यासंदर्भातील माहिती समोर आली. समुद्रतळाशी साधारण 1600 फूट (488 मीटर) खोलवर टायटॅनिक जहाजाच्या एका टोकापासूनच काही अंतरावर अटलांटिक महासागराच्या उत्तरेला असणाऱ्या एका कोपऱ्यात या पाणबुडीचे अवशेष सापडले. पाणबुडीचे पाच भाग या शोधमोहिमेत सापडल्याची अधिकृत माहिती सध्या मिळत असून, त्यामध्ये या 22 फूटांच्या पाणबुडीचे दोन तुकडे झाल्याचं सांगण्यात येत आहे. शिवाय यामध्ये प्रवास करणाऱ्या कोणत्याही प्रवाशासंदर्भातील माहिती किंवा अवशेष मात्र सापडू शकलेले नाहीत. दरम्यान, पाणबुडी आदळल्यामुळं ही दुर्घटना ओढावल्याची माहिती संबंधित शोधपथकाशी संबंधित अधिकारी देत आहेत.
• समुद्रात लुप्त झाले ते पाचजण...
दरम्यान, अमेरिकन तटरक्षक दलानं पत्रकार परिषद घेत सदरील अपघाताची माहिती देण्यापूर्वीच पाणबुडीच्या ओशनगेट या कंपनीकडून प्रवाशांपैकी कुणीही हयात असल्याची आशा नसल्याचं म्हणत एक पत्रक जारी करत मृतांना श्रद्धांजली वाहिली. या पाणबुडीमध्ये कंपनीचे संस्थापक आणि का CEO Stockton Rush यांच्यासह ब्रिटीश अब्जाधीश हामिश हार्डिंग, पाकिस्तानशी पाळंमुळं जोडलेले व्यावसायिक शहजादा दावूद आणि त्यांचा मुलगा सुलेमान आणि फ्रेंच oceanographer पॉल हेन्री नार्गोलेट यांचा समावेश होता.
विविध देशांच्या अनेक बचाव पथकांनी या पाणबुडीचा शोध घेण्यासाठी गेल्या चार ते पाच दिवसांपासून शोधमोहिमा राबवल्या होत्या. यामध्ये खोल समुद्रात पाणबुडी शोधण्यासाठी विमानं आणि मोठ्या जहाजांची मदत घेण्यात आली होती. आता या पाणबुडीच्या अवशेषांचं संशोधन झाल्यानंतर नेमकी कोणती माहिती समोर येते याकडेच संपूर्ण जगाचं लक्ष असणार आहे.
• पाणबुडी समुद्रात असताना कम्युनिकेशनसाठी एलन मस्कच्या स्टालिंग सॅटलाइटचा वापर करत होती. कंपनीने 1 जूनला टि्वट करुन ही माहिती दिली होती.
• पाणबुडीला शोधण्यासाठी मोठ्या प्रमाणात सर्च ऑपरेशन सुरु आहे. कॅनडाच्या न्यूफाऊंडलँड किनाऱ्यापासून दूर अंतरावर खोल समुद्रात शोध मोहिम सुरु आहे. बॉस्टनमधील यूएस कोस्ट गार्डच्या लेफ्टिनेंट जॉर्डन हार्ट यांनी ही माहिती दिली.
• पाणबुडी मजबूत आहे, असं OceanGate चे सीईओ आणि फाऊंडर स्टॉकटन रश यांनी सांगितलं. ज्या कंटेनरमध्ये लोक आणि ऑक्सिजन आहे, तो नासा आणि यूनिवर्सिटी ऑफ वाशिंगटनने मिळून तयार केलाय, असं रश यांनी सांगितलं.
• अटलांटिक महासागरात बेपत्ता झालेल्या लोकांमध्ये ब्रिटिश अब्जाधीश हामिश हार्डिंग यांचा समावेश आहे. त्यांनी फेसबुक पोस्टवर टायटॅनिकचा ढिगारा पाहण्यासाठी जाणार असल्याची माहिती दिली होती.
• फ्रान्सचे खलाशी पॉल-हेनरी नार्गोलेट सुद्धा या पाणबुडीमध्ये आहेत. त्यांच्याकडेय टायटॅनिकच्या ढिगाऱ्यासंबंधी काम करण्याचा अनुभव आहे. खोल समुद्रात जलतरण आणि पाणबुडी चालवण्यात ते माहीर आहेत.
• बेपत्ता पर्यटकांना शोधण्यासाठी वेगाने शोधकार्य सुरु आहे, असं OceanGate कडून सांगण्यात आलं. खोल समुद्राक टायटॅनिकचा ढिगारा दाखण्यासाठी OceanGate कंपनी प्रतिमाणशी 2.5 लाख डॉलर म्हणजे 2 कोटी रुपये चार्ज करते. 2021 पासून हा व्यवसाय सुरु आहे.
*बेपत्ता झालेल्या पाणबुडीच नाव टायटन आहे. कंपनीचे सल्लागर डेविड कॉनकॅनन यांनी सांगितलं की, पाणबुडीमध्ये 96 तास पुरेल इतका ऑक्सिजन आहे.
• टायटन पाणबुडीवरुन दर 15 मिनिटांनी पोलर प्रिन्स जहाजाला मेसेज जायचा. स्थानिक वेळेनुसार 3 वाजता शेवटचा मेसेज आला होता. त्यावेळी पाणबुडी टायटॅनिकच्या ढिगाऱ्यावर फेऱ्या मारत होती.